मुंबई । प्रतिनिधी : महाराष्ट्र राज्यातील माथाडी व सुरक्षा रक्षक मंडळांच्या लेखापरीक्षणासंदर्भात गुरुवार, दि. २२ ऑक्टोबर २०२६ रोजी कामगार भवन, मुंबई येथे आढावा बैठक पार पडली. राज्याचे कामगारमंत्री आकाश फुंडकर यांच्या अध्यक्षतेखाली ही बैठक घेण्यात आली.
या बैठकीत महाराष्ट्र राज्यातील संबंधित माथाडी व सुरक्षा रक्षक मंडळांच्या लेखापरीक्षणाची सद्यस्थिती, लेखापरीक्षणासंदर्भातील प्रलंबित बाबी तसेच पुढील कार्यवाहीबाबत सविस्तर आढावा घेण्यात आला. यावेळी विविध मुद्द्यांवर चर्चा करून संबंधित विषयांची माहिती जाणून घेण्यात आली.
मंडळांच्या लेखापरीक्षणाशी संबंधित प्रलंबित बाबी, त्यांची सद्यस्थिती आणि पुढील कार्यवाही यासंदर्भात बैठकीत विचारविनिमय करण्यात आला. या बैठकीला कामगार विभागाच्या अपर मुख्य सचिव श्रीमती आय. ए. कुंदन, उपसचिव श्री. स्वप्नील कापडणीस तसेच संबंधित विभागाचे अधिकारी उपस्थित होते.
माथाडी कामगार आणि सुरक्षा रक्षक मंडळांच्या कामकाजाच्या दृष्टीने या बैठकीतील आढावा आणि त्यानंतर होणारी कार्यवाही महत्त्वाची ठरणार आहे.
0 Comments